NewsKoseli.Com

Ad

प्रधान न्यायाधीशलाई पक्राउ गरेर जेल हाल्नुपर्छ : डा. गोविन्द केसी

चिकित्साशास्त्र अध्ययन संस्थानका प्रा.डा. गोविन्द केसीले प्रधान न्यायाधीश गोपालप्रसाद पराजुलीमाथि फौजदारी कारबाही हुनुपर्ने बताएका छन् ।

‘सर्वोच्च अदालतले दिएको निर्देशनविरुद्ध पराजुलीले प्रमाणपत्र बुझाउँदिनँ भन्दै हिँडिरहेका छन्,’ केसीले भने– ‘यस्ता व्यक्तिलाई पक्राउ गरेर जेल हाल्नुपर्छ । पराजुलीले सर्वोच्चको आदेश पालना नगरेमा फेरि सत्याग्रह सुरु गर्नेछु ।’

भ्रष्ट र अपराधी सर्वोच्चमा रहने, सत्याग्रही जेलमा जाने ? यो कस्तो नियम भन्दै केसीले प्रश्न समेत गरे । आर्इओएमको डिनमा अग्रवालको विकल्प अरू हुनै नसक्ने उनले बताए ।

‘अहिले डिन अर्कै व्यक्ति बनाउने खेल भइरहेको छ,’ केसीले भने– ‘अग्रवालले बाँकी तीन वर्षको कार्यकाल सम्हाल्नेछन्, त्यसमा चलखेल भए परिणाम राम्रो हुनेछैन ।’

सर्वोच्च अदालतका प्रधान न्यायाधीश पराजुलीले पदबाट राजीनामा नदिए पुनः अनशन बस्ने चेतावनी प्रा।डा। केसीले दिएका छन् । पराजुलीले राजीनामा नदिए फेरि अनशन बस्ने चेतावनी सरकारसँग भएको पाँचबुँदे सहमतिपछि छैटौं दिन अनशन तोडेका केसीले दिएका हुन् ।

मर्न तयार भएको व्यक्तिलार्इ एक वर्षको जेलले असर गर्दैन

देशमा लूटतन्त्र मच्चाउनेविरुद्ध लड्न आफूले कहिल्यै नछाड्ने केसीले बताए । ‘मैले सत्याग्रह सुरु गरेको तीन मिनेटमा मलाई प्रहरीले पक्राउ गर्‍यो,’ केसीले भने– ‘फौजदारी मुद्दा लगाउँदैमा डराउँदिनँ । मलाई १ वर्ष होइन, ५ वर्ष जेल हाल्दा पनि हुन्छ ।’

चिकित्सा शिक्षा र स्वास्थ्य क्षेत्रको समग्र सुधारको पक्षमा मर्न तयार भएर लडेको व्यक्ति जेल बस्नबाट पछि नहट्ने उनको भनाइ रहेको खबर आइतबारको नयाँ पत्रिका दैनिकमा प्रकाशित छ ।

प्रतिकृया दिनुहोस्
Ad
Ad
Ad
Ad
Ad
Ad
Ad