नेपाली कांग्रेसको प्रवक्तामा पार्टीका केन्द्रीय सदस्य एवं युवानेता विश्वप्रकाश शर्मा मनोनीत भएका छन् ।
प्रधानमन्त्री एवं पार्टी सभापति शेरबहादुर देउवाले नेता शर्मालाई मंगलबार पार्टी प्रवक्तामा मनोनयन गरेको पार्टी केन्द्रीय कार्यालयका मुख्यसचिव कृष्णप्रसाद पौडेलले जानकारी दिएका छन् ।
प्रधानमन्त्री एवं सभापति देउवाले कांग्रेसको १२औं महाधिवेशनपछि रिक्त प्रवक्ता पदमा पार्टी विधानको धारा २४ (३) बमोजिम केन्द्रीय सदस्य शर्मालाई प्रवक्ता पदमा मनोनयन गरेका हुन् ।
