नेकपा माओवादी केन्द्र संसदीय दलको नेतामा पार्टीका अध्यक्ष एवं सांसद पुष्पकमल दाहाल ‘प्रचण्ड’ चुनिएका छन् ।
आइतबार बिहान सिंहदरबारमा बसेको संसदीय दलको बैठकले प्रचण्डलाई संसदीय दलको नेता चुनेको हो । सोही बैठकमा अध्यक्ष प्रचण्डले पार्टीका समानुपातिक सांसदहरुलाई प्रमाणपत्र समेत वितरण गरे ।
पहिलो पटक बसेको संसदीय दलको यस बैठकमा अध्यक्ष प्रचण्डले एमालेसँग गर्ने भनिएको एकता प्रक्रियाको विकासक्रमबारे संक्षिप्त जानकारी समेत गराए ।
एकतालार्इ निष्कर्षमा पुर्याउने प्रयासस्वरूप आफूले एमाले अध्यक्ष केपी शर्मा ओलीसँग आइतबार पनि छलफल गर्ने जानकारी पनि प्रचण्डले बैठकमा दिए ।
