तीन सदस्यीय प्रतिनिधिमण्डलसहित भारतीय जनता पार्टी (भाजपा) का महासचिव डा. अनिलकुमार जैन काठमाडौं आएका छन् । सत्तारुढ दलका राज्यसभा सदस्य समेत रहेका महासचिव जैन सोमबार बिहानै काठमाडौं आइपुगेका हुन् ।
भाजपाका अध्यक्ष अमित शाहसँग निकट सम्बन्ध रहेको मानिने जैन नेपाल–भारत ‘थिंक ट्यांक समिट’ मा भाग लिन काठमाडौं आएका हुन् । सोही कार्यक्रममा सहभागी हुन भाजपाको विदेश मामिला हेर्ने भाजपाकै अर्का महासचिव राम माधव समेत सोमबार साँझपख काठमाडौं आइपुग्ने भएका छन् ।
दुवै महासचिवले नेकपाका अध्यक्ष एवं प्रधानमन्त्री केपी शर्मा ओली र पुष्पकमल दाहाल ‘प्रचण्ड’ सहितका उच्च नेतृत्वसँग समेत भेट गर्ने बताइएको छ ।
