आफ्नै श्रीमतीको हत्या गर्ने श्रीमानलाई महोत्तरी प्रहरीले पाँच वर्षपछि पक्राउ गरेको छ । भङ्गाहा नगरपालिकाको हरिणमरी गाउँ बस्ने कौशलकिशोर साह पक्राउ परेको जिल्ला प्रहरी कार्यालयका प्रहरी उपरीक्षक ईश्वर कार्कीले बताए ।
प्रहरीका अनुसार पक्राउ परेका साहले २०७० भदौ १८ मा आफ्नै श्रीमती सञ्जुदेवी साहको हत्या गरी महोत्तरीको हरिणमरी र धनुषाको सिनुरजोरा गाउँको बीचबाट बग्ने बिग्ही नदीमा माटोमुनि गाडेका थिए ।
आफ्नै श्रीमतीको वीभत्स हत्या गरी फरार रहेका साहले भारतको उमगाँव सहरमा १३ महिना र कतारमा ३० महिनासम्म लुकेर काम गरेका थिए । ११ महिनादेखि जनकपुरधाममा अटोरिक्सा चलाउँदै आएका उनलाई रिक्सा चलाइरहेकै अवस्थामा प्रहरीले पक्राउ गरेको राससले जनाएको छ ।
