काठमाडौंको घन्टाघरस्थित त्रिचन्द्र क्याम्पसमा आइतबार साँझ आगलागी भएको छ ।
अत्यधिक जाडो मौसम भएकाले आगो ताप्ने क्रममा फैलिएको आगो केही बेरमा नियन्त्रणमा लिइएको थियो । पछि फेरि जेनेरेटर सर्ट हुँदा दोस्रो पटक आगलागी भयो ।
स्ववियु कार्यालय नजिकै रहेको अर्को भवनमा आगलागी भएको जानकारी महानगरीय प्रहरी वृत्त दरबारमार्गका प्रमुख एवं प्रहरी नायब उपरीक्षक दानबहादुर मल्लले दिए । बेलुका ६ बजेदेखि लागेको आगो दमकल, नेपाल प्रहरी, सशस्त्र प्रहरी र विद्यार्थीको सहयोगमा नियन्त्रणमा लिइएको छ ।
करिव एक घन्टा आगलागी भए पनि कलेज बन्द भएका कारण क्षतिको विवरण आउन नसकेको राससले जनाएको छ ।
