सन् २०१८ मा संयुक्त अरब इमिरेट्स (यूएई) मा विभिन्न कारणबाट १०३ नेपाली कामदारको मृत्यु भएको छ ।
मृत्यु हुनेमा ८ महिला र ९५ पुरुष रहेको आवुधावीस्थित नेपाली दूतावासले जनाएको छ । मृतकमध्ये ३ महिला र ४४ पुरुषको प्राकृतिक कारण, ३ महिला र ३० पुरुषको आत्महत्या तथा २ महिला र २१ पुरुष कामदारको दुर्घटनामा परेर मृत्यु भएको हो ।
मृतकमध्ये सूर्य विक, अमृतबहादुर कार्की, सिर्जना बराल र अशोक भट्टराईको शव नेपाल पठाउन बाँकी रहेको दूतावासले जनाएको छ । उनीहरुको मृत्युका कारणबारे अध्ययन भइरहेकाले शव पठाउन ढिलाइ भएको र छिट्टै नेपाल पठाइने दूतावासले जनाएको राससले उल्लेख गरेको छ ।
