सवारी दुर्घटना हुँदा दाङमा २१ यात्रु घाइते भएका छन् । लमही नगरपालिका– ९, रिहार नजिकै मंगलबार यात्रुवाहक बस र ट्रक ठोक्किँदा २१ जना घाइते भएका हुन् ।
दुर्घटनामा घाइते भएकामध्ये ९ जनालाई उपचारका लागि नेपालगञ्ज अस्पताल कोहलपुर लगिएको छ भने अन्य १२ जनालार्इ लमही अस्पतालमा उपचारपछि घर फिर्ता गरिएको जिल्ला प्रहरी कार्यालयले जानकारी दिएको छ ।
नेपालगञ्जबाट घोराहीतर्फ आउँदै गरेको ना ५ ख २७९९ नम्बरको बस र पूर्वबाट पश्चिमतर्फ जाँदै गरेको ना ४ ख १२८२ नम्बरको ट्रक ठोक्किँदा ट्रक चालक र बस चालक गम्भीर घाइते भएको प्रहरी उपरीक्षक बेलबहादुर पाण्डेले बताए । बसको लापरबाहीका कारण दुर्घटना भएको प्रहरी उपरीक्षक पाण्डेको भनाइ रहेको खबर राससले प्रेषित गरेको छ ।
