बुधबार दिउँसो दुर्घटनामा परेको एयर डाइनेष्टीको ९– एन एएमआई कल साइनको हेलिकप्टर ताप्लेजुङको पाथीभरा मन्दिर नजिकैको जंगलमा दुर्घटनाग्रस्त भएको पुष्टि भएको छ ।
दुर्घटनास्थलमा चिन्नै नसकिने अवस्थाका ५ वटा शव फेला परेको प्रहरी प्रवक्ता उत्तमराज सुवेदीले जानकारी दिएका छन् । हेलिकप्टरमा पर्यटन तथा नागरिक उड्डयनमन्त्री रवीन्द्र अधिकारीसहित ६ जना सवार थिए । अझैसम्म पनि कसको अवस्था के हो भन्नेबारे यकिन हुन सकेको छैन ।
