घरायसी विवादमा श्रीमतीलाई गोली प्रहार गरी फरार भएका बडिगाड गाउँपालिका– १०, दर्लिङका एक व्यक्तिलाई प्रहरीले पक्राउ गरेको छ ।
दर्लिङ– ७, पात्ले, कटरियाका ३५ वर्षीय चन्द्रबहादुर घर्तीलाई प्रहरीले शनिबार उनकै घरबाट पक्राउ गरेको हो । तरकारी ढिलो पकाएको निहुँमा झगडा हुँदा घर्तीले श्रीमती बालकुमारीलाई गोली हानी घाइते बनाएका थिए ।
घटनापछि लुकेका घर्तीलाई उनकै घरबाट पक्राउ गरिएको भीमगिठे प्रहरी कार्यालयका प्रहरी नायब निरीक्षक भोजबहादुर बानियाँले जानकारी दिएका छन् । घाइते बालकुमारी र उनका श्रीमान् दुवैलाई अनुसन्धानका लागि जिल्ला प्रहरी कार्यालय पठाइएको उनले बताएको खबर राससले प्रेषित गरेको छ ।
