मन्थली नगरपालिका– २, करमबोटमा सोमबार माइक्रोबस दुर्घटना हुँदा एक जनाको मृत्यु भएको छ भने एक महिला गम्भीर घाइते भएकी छन् ।
माइक्रोबसका धनी मनमैजु, काठमाडौंका ४५ वर्षीय कर्माको मृत्यु भएको प्रहरी निरीक्षक मोहन थापाले जानकारी दिएका छन् । दुर्घटनामा परी मन्थली नगरपालिका– २ की अञ्जना खड्का गम्भीर घाइते भएकी छन् ।
मन्थलीबाट मालुखोलातर्फ जाँदै गरेको कुशेश्वर यातायातको बा १ ज ९९०१ नम्बरको माइक्रोबस दुर्घटनामा परेको हो । उपचारका लागि मन्थलीस्थित रामेछाप सामुदायिक अस्पताल ल्याउँदै गर्दा घाइते लामाको मृत्यु भएको हो । अर्की घाइते खड्कालाई उपचारका लागि काठमाडौं लगिएको छ । गाडी सडकबाट करिव १ सय मिटर तल तामाकोसी नदीमा खसेको खबर राससले प्रेषित गरेको छ ।
