रुपा गाउँपालिका– ७, तालबेंशी र तिलखोरियाबाट ५ थान हतियारसहित ४ जना पक्राउमा परेका छन् ।
५५ वर्षीय नारायणबहादुर गुरुङ, ४८ वर्षीय दिलबहादुर गुरुङ, ४५ वर्षीय सुरेश गुरुङ र ५४ वर्षीय मनबहादुर थापा मगरलाई ५ थान हतियारसहित सोमबार पक्राउ गरिएको जिल्ला प्रहरी कार्यालय कास्कीले जनाएको छ ।
उनीहरुको साथबाट भरुवा बन्दुक ३, बोर राइफल (लेन्ससहित) १ र बोर राइफल (सर्ट गन) १ गरी ५ थान हतियार बरामद भएको जानकारी प्रहरी नायब उपरीक्षक रवीन्द्रमान गुरुङले दिएका हुन् । रुपा गाउँपालिका– ७, तालबेंशी तथा सौर्यवासका विभिन्न स्थानहरुमा उनीहरुलाई पक्राउ गरिएको बताइएको छ । मंगलबार जिल्ला अदालतबाट म्याद थप गरी उनीहरुमाथि कारबाही सुरु गरिएको खबर राससले प्रेषित गरेको छ ।
