नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका अर्का नेता पक्राउ परेका छन् । सो पार्टीका भेरी ब्युरो सदस्य हरिचन्द्र जैशी मंगलबार पक्राउ परेका हुन् ।
नेता जैशीलाई सदरमुकाम पुर्याइएको प्रहरीले जनाएको छ । कुशे गाउँपालिका– २ घर भएका जैसी विप्लव नेतृत्वको नेकपामा सक्रिय रहेर विभिन्न गतिविधि गर्दै आएको दावी प्रहरीले गरेको छ । जिल्लाको शान्ति सुरक्षामा दख्खल पुर्याएको भन्दै उनलाई पक्राउ गरिएको जाजरकोट प्रहरी प्रमुख श्यामबहादुर खत्रीले बताए ।
जाजरकोटमा यसअघि पनि विप्लव नेकपाका तीन कार्यकर्ता पक्राउ परिसकेका छन् । ‘प्रतिबन्धित क्रियाकलाप’ गरेकाले जैशीलाई पक्राउ गरिएको खत्रीले बताएको खबर राससले प्रेषित गरेको छ ।
