हेटौंडा उपमहानगरपालिका– ५ स्थित क्याम्पाडाँडामा एक महिलाको शव फेला परेको छ ।
शनिबार बिहान फेला परेको अन्दाजी २४–२५ वर्षको जस्तो देखिने शव नवलपुर घर भएकी अजिता भुजेलको रहेको जिल्ला प्रहरी कार्यालय मकवानपुरले जनाएको छ ।
उनी तेस्रोलिङ्गी हुन् । उनको शव बिहान स्थानीयवासीले देखेपछि जिल्ला प्रहरी कार्यालय मकवानपुरमा खबर गरेका थिए । प्रहरीका अनुसार उनको घाँटीमा नीलो डाम छ र बत्तीको तार बेरिएको छ ।
घटनाको प्रकृति हेर्दा अजिताको हत्या भएको हुन सक्ने प्रहरीको अनुमान छ । घटनाका सम्बन्धमा अनुसन्धान भइरहेको प्रहरीले जनाएको खबर राससले प्रेषित गरेको छ ।
