शनिबार बिहान नेपालमा थप ६ जनामा कोरोनाभाइरस (कोभिड– १९) को संक्रमण पुष्टि भएको छ । यससँगै कूल संक्रमित संख्या २७३ पुगेको छ ।
राष्ट्रिय जनस्वास्थ्य प्रयोगशाला काठमाडौंमा गरिएको परीक्षणअनुसार वर्दियाको नार्खु– ११ निवासी २८ वर्षिया महिला, सिरहाको सखुवा– १९ निवासी ३० वर्षीय पुरूष, पर्साको वीरगञ्ज– १२ निवासी २८ र २९ वर्षीय पुरूष, सर्लाहीको रामनगर– ४ निवासी १८ वर्षीया महिला र चितवनको गढौली– १ निवासी २५ वर्षीया महिलामा कोरोनाभाइरसको संक्रमण पुष्टि भएको स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले जानकारी दिएका छन् ।
संक्रमित सबैको स्वास्थ्य अवस्था सामान्य रहेको र सबैजना स्वास्थ्यकर्मीको सम्पर्कमा रहेको स्वास्थ्य तथा जनसंख्या मन्त्रालयले जनाएको छ ।
