नेपालमा कोरोनाभाइरसका संक्रमितको कूल संख्या ५,७६० पुगेको छ । पछिल्लो २४ घन्टामा ३७५ पुरुष र ५० महिला गरी थप ४२५ जनामा संक्रमण पुष्टि भएसँगै यो संख्या पुगेको हो ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर देवकोटाले आइतबारको नियमित मेडिया ब्रिफिङमा दिएको जानकारीअनुसार कूल संक्रमितमध्ये ५३२४ पुरुष र ४३६ महिला छन् ।
यसअघि संक्रमण पुष्टि भएर आइसोलेसनमा रहेकामध्ये पछिल्लो २४ घन्टामा ६ महिला र ५५ पुरुष गरी थप ६१ जना डिस्चार्ज भएका छन् । यो विवरणसहित ८७७ पुरुष र ९७ महिला गरी डिस्चार्ज हुनेको कूल संख्या ९७४ पुगेको छ ।
गुल्मीका ३६ वर्षीय युवकको कोरोना संक्रमणबाट मृत्यु भएको आइतबार पुष्टि गरिएपछि नेपालमा कोभिड– १९ बाट ज्यान गुमाउनेको कूल संख्या १९ पुगेको छ ।
भिडियोमा हेर्नोस् प्रवक्ताको ब्रिफिङ–
https://www.facebook.com/mohpnep/videos/2976767979086160/
