१६,५३१ पुगे संक्रमित : काठमाडौंमा ५ सहित बिहीबार थपिए १०८ , कूल डिस्चार्ज ७,८९१ (भिडियोसहित)

नेपालमा कोरोनाभाइरसका संक्रमितको संख्या १६,५३१ पुगेको छ । यसअघि संक्रमण पुष्टि भएर आइसोलेसनमा रहेकामध्ये डिस्चार्ज हुनेको संख्या ७,८९१ पुगेको छ ।

स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले बिहीबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा काठमाडौंका ५ सहित थप १०८ जनामा कोरोनाभाइरसको संक्रमण पुष्टि भएको छ ।

पछिल्लो २४ घन्टामा थप १३९ जना आइसोलेसनबाट डिस्चार्ज भएका छन् । पछिल्लो २४ घन्टामा देशभरका विभिन्न २५ प्रयोगशालाबाट ४ हजार ५ सय ८८ जनाको सीसीआर परीक्षण गरिएको छ । यसबेला देशभरका विभिन्न क्वारेन्टाइनमा २४ हजार ४ सय २५ जना छन् भने ८ हजार ६ सय ५ जना आइसोलेसनमा उपचाररत रहेको प्रवक्ता गौतमले जनाएका छन् ।