नेपालमा कोरोनाभाइरसका संक्रमितको संख्या १७६५८ पुगेको छ । यीमध्ये ४० जनाको मृत्यु भैसकेको छ भने ११,६९५ जना डिस्चार्ज भएका छन् । ५,९६३ जना सक्रिय संक्रमित विभिन्न अस्पतालको आइसोलेसनमा उपचाररत छन् ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले आइतबारको नियमित मेडिया ब्रिफिङमा दिएको जानकारीअनुसार कूल संक्रमितको ६६.२४ प्रतिशत डिस्चार्ज भएका छन् । पछिल्लो २४ घन्टामा देशभरका विभिन्न २७ प्रयोगशालाबाट ३,७४१ जनाको पीसीआर परीक्षण गर्दा काठमाडौंका १ र ललितपुरका २ सहित देशभरका थप १५६ जनामा कोरोनाभाइरसको संक्रमण पुष्टि भएको प्रवक्ता गौतमले बताए ।
यसअघि संक्रमण पुष्टि भएर आइसोलेसनमा उपचाररतमध्ये पछिल्लो २४ घन्टामा ५८ जना डिस्चार्ज भएका छन् ।
भिडियोमा हेर्नोस् प्रवक्ता गौतमको ब्रिफिङ–
https://www.facebook.com/mohpnep/videos/578915489351703/
