राजधानीको गोंगबुस्थित गणेशस्थान छेउमा हत्या गरिएक एक नागरिकको शव सुटकेसमा फेला परेको छ । सो सुटकेसभन्दा करिव २ सय मिटर पर झोलामा टाउको फेला परेको प्रहरीले जनाएको छ ।
महानगरीय प्रहरी परिसर काठमाडौंका डीएसपी राजकुमार केसीका अनुसार गणेशस्थान नजिकै कालो सुटकेसमा शव र त्यसको दुई सय मिटर पर जेब्रा झोलामा टाउको फेला परेको हाे ।
टोखा नगरपालिका– १० मा पर्ने सो स्थानको सडक किनारामा राखिएको सुटकेसबाट रगत बगिरहेको देखेपछि स्थानीयवासीले प्रहरीलाई खबर गरेका थिए । शवको अझै पहिचान हुन सकेको छैन । काठमाडौं प्रहरी प्रमुख एसएसपी श्याम ज्ञवाली, अपराध महाशाखा प्रमुख एसएसपी दीपक थापालगायत फरेन्सिक विज्ञहरूको टोली घटनास्थल पुगेको छ ।
