काठमाडौंमा ३७७ सहित थप ११११ मा कोरोना : १८३ को मृत्यु, ३५५२९ संक्रमित, २००७३ डिस्चार्ज (भिडियोसहित)

काठमाडौंमा ३७७ सहित थप ११११ मा कोरोना १८३ को मृत्यु, ३५,५२९ संक्रमित, २०,०७३ डिस्चार्ज (भिडियोसहित)काठमाडौं, १० भदौ ।नेपालमा करोनाभाइरसका संक्रमितको संख्या ३५,५२९ पुगेको छ । यीमध्ये १८३ जनाको मृत्यु भैसकेको छ भने २०,०७३ जना आइसोलेसनबाट डिस्चार्ज भएर आ–आफ्नो घर गैसकेका छन् र १५,२७३ जना सक्रिय संक्रमित आइसोलेसनमा छन् ।

स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले बिहीबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा काठमाडौंमा २७०, ललितपुरमा ६६ र भक्तपुरमा ४१ गरी राजधानी उपत्यकामा ३७७ सहित देशभरबाट ११११ जनामा कोरोनाभाइरसको संक्रमण पुष्टि भएको छ । यो एक दिनमा ५६९ जना आइसोलेसनबाट डिस्चार्ज भएर आ–आफ्नो घर फर्किएका छन् ।

पछिल्लो २४ घन्टामा थप ८ जना कोरोना संक्रमितको मृत्यु भएको छ । यतिबेला ९,४४८ जना देशभरका विभिन्न क्वारेन्टाइनमा रहेका छन् । देशभर ९,०६३ जना संक्रमित संस्थागत आइसोलेसनमा छन् भने ६,२१० जना होम आइसोलेसनमा रहेका छन् । पछिल्लो २४ घन्टामा १२,६२९ जनाको पीसीआर परीक्षण गरिएको मन्त्रालयले जनाएको छ ।