शनिबार बिहान साढे १० बजेतिर राजधानीको तिलगंगामा स्कुटीमाथि बसले गम्भीर ठक्कर दिएको छ । विद्युतीय शवदाहगृहको अगाडि चक्रपथको मूल सडकमा बा ८४ प ८९७० नम्बरको होण्डा डियो स्कुटीलाई लालुपाते यातायातको यात्रुबाहक बसले ठक्कर दिएको हो ।
गाडीको ठक्करबाट घाइते भएका स्कुटीका चालकलाई अस्पताल पठाएर प्रहरीले बस नियन्त्रणमा लिई चालकमाथि कारबाही अगाडि बढाएको छ । बसको ठक्करबाट स्कुटीको अगाडिको भाग क्षतविक्षत भएको । सडकमा छरपस्ट भएका स्कुटीका टुक्रा र हेलमेट प्रत्यक्षदर्शीले समालेर थुप्रो बनाएको दृश्य प्रस्तुत तस्बिर र भिडियोमा देखिन्छ ।
