ब्राजिलमा ओलम्पिक खेलकुदको मिती नजिकिंदै जाँदा जिका भाईरसको त्रास कायमै छ । पछिल्लो दुई वर्षदेखि लेटिन अमेरिकी मुलुकहरुमा जिका भाईरसको संक्रमण बढीरहेको छ ।
ओलम्पिक आयोजक ब्राजिलले यो संक्रमण रोक्न सम्भव भएसम्मका सबै प्रयास गरेको दावी गरेपनि विश्वभरका खेलाडीहरु भने यसमा विश्वस्त हुन सकेका छैनन् ।
ओलम्पिक सुरु हुन झण्डै तिन हप्ता बाँकी रहँदा खेलाडीहरुले नाम फिर्ता लिने क्रम सुरु भएको छ । चेक गणतन्त्रका टेनिस खेलाडी टामस बर्डीचले जिका भाईरसको संक्रमणको डरले ओलम्पिक टोलीबाट नाम फिर्ता लिएका छन् ।
जिकाको डरले नाम फिर्ता लिने बर्डीच तेस्रो टेनिस खेलाडी हुन् । यसअघि रोमानियाकी सिमोना हालेप र क्यानाडाका मिलोस राओनिकले पनि प्रतियोगिताबाट नाम फिर्ता लिईसकेका छन् ।
यसैगरी गल्फतर्फ पनि २० जनाभन्दा बढी खेलाडीले जिका भाईरसकै सक्रमणको डरले प्रतियोगिताबाट नाम फिर्ता लिएका छन् ।
