कलाकार एवं निर्माता महेन्द्र मैनाली (प्रभास) को सत्य घटनामा आधारित चलचित्र ‘असत्यको बाटो’ को एउटा गीत असत्यको बाटो छोडि सत्यतिर पाइला चाल्दा काे म्युजिक भिडियो सार्वजनिक भएको छ ।
महेन्द्र मैनाली (प्रभास), स्टु कार्की, राजन थपलिया, बिष्णु धिताल आदि कलाकारद्धारा अभिनित यो म्युजिक भिडियोको निर्देशन राजु अधिकारीले गरेका हुन् । यस म्युजिक भिडियोमा रहेको गीतका सर्जक बरिष्ठ गीतकार डा. कृष्णहरि बराल हुन् भने संगीत भरेका छन् संगीतकार रमेश खड्काले । गीतमा स्वर भने गायक रमेश खड्का र गायिका मलिना राईको रहेको छ ।
महेन्द्र मैनाली कलाकार मात्र नभइ निर्माता एवं सर्जक समेत हुन् । यसअघि उनले रक्तिम क्रान्ति, जिवनका यात्राहरु, वाध्यता जिन्दगीको लगायत चलचित्रको निर्माण एवं अभिनय गरिसकेका छन् । मैनालीद्धारा अभिनित चलचित्रहरुमा प्रायः उनकै लेखन रहने गरेको छ ।
”तरवार सहन्छ छाति, गोली सहन्छ छाति, गर्दैन घात तर, कहिल्यै विश्वास माथि” भन्ने डाइलग रहेको यो म्युजिक भिडियो हेर्दा कथा र पात्रहरु अत्यन्त शसक्त रहेको प्रतित हुन्छ । कलाकार एवं सर्जक महेन्द्र मैनालीकाे जिवनमा घटेको सत्यघटना कति मार्मिक र पीडादायी रहेछ भन्ने कुरा थाहा पाउन चलचित्र हेर्नै पर्ने हुन्छ ।
रवि कोइरालाको छायाँकन, सुबास देबकोटाको सम्पादन तथा किरण दाहालको द्धन्घ निर्देशन रहेको यो म्युजिक भिडियो आशुतोस फिल्मस् प्रोडक्सन प्रालिको व्यानरमा निर्माण भएको हो ।
ओम बस्तेत र रिना आचार्य (बस्नेत) यस चलचित्रका निर्माता रहेका छन् ।
कार्यक्रममा उपस्थित अतिथिहरू गीतकार डा. कृष्णहरी बराल, बरिष्ठ कलाकर्मी शराेज खनाल लगायतले चलचित्रकाे सफलताका लागि शुभकामना व्यक्त गरेका थिए ।
