२०७३ को माध्यमिक शिक्षा परीक्षा (एसईई) का उत्तरपुस्तिका परीक्षण (कपी चेकिङ) सुरु भएको छ ।
यसै क्रममा ललितपुरका जिल्ला शिक्षा अधिकारी दिलनाथ पुरीले बुधबार अग्रणी विषयगत शिक्षकहरुलाई भेला गराएर उत्तरपुस्तिका परीक्षण (कपी चेकिङ) बारे ब्रिफिङ गरे ।
ललितपुरको श्रमिक शान्ति स्कुल च्यासलमा बिहीबारदेखि एसईई परीक्षाकपी उत्तरपुस्तिका परीक्षण सुरु भएको छ । सम्पूर्ण विषयगत शिक्षकहरुलार्इ सहभागी गराएर कापी चेक गराउने जानकारी शिक्षा कार्यालयका अधिकृत शान्तिराम पौडेलका दिएका छन् ।
यो सेन्टरमा पूर्वाञ्चल र पश्चिमाञ्चलका मिश्रित उत्तरपुस्तिकाहरू परीक्षणका लागि आएका छन् । अंग्रेजी, गणित, विज्ञान र नेपाली विषयका कापीहरु बुधबार ९ बजेदेख परीक्षण सुरू भएका छन् भने अरू विषयका कापी शुक्रबारदेखि परीक्षण सुरु भएका छन् ।
