म बाँचेको नबाँचेको कुनै मिल्दो ठहर छैन
कथा मन्चन् भन्यौ साथी रुने मेरो रहर छैन||
लछारेरै हिँड्यौ टाढा घृणा गर्दै मलाई नै
तिमीलाई नसम्झेको कुनै त्यस्तो प्रहर छैन||
छुट्यो नाता टुट्यो बाचा भयो यात्रा सधैं छुट्टै
तिमीलाई नखोजेको कतै आफ्नो शहर छैन||
गरैकै थें तिमी संगै कयौं यात्रा म जीवन मा
सके यात्रा गर्यौ संगै कुनै त्यस्तो कहर छैन ||
धरामा यो सबै खोजें भुलें “आवास” मैले त्यो
भुलाऊने घृणा तिम्रो एकै घुट्की जहर छैन||
मलेसिया,२१ फागुन ।, २१ फागुन:
