अन्य जिल्लाबाट गरिने तरकारीको आयात घट्दै गएको छ । मुख्य गरी आलु, गोलभेंडा, काउली, बन्दागोभी, गाँजर, मुला र करेलामा जिल्ला आत्मनिर्भर बन्दै गएको छ ।

बजार अभावले भूइँस्याउ कुहिँदै

आम्दानीको गतिलो स्रोत बनेको भूइँस्याउ बजार नपाएपछि कृषक चिन्तित बनेका छन् । बिक्री नहुँदा भूइँस्याउ कुहिँदै गएको छ । आलु र कोदो खेतीको ठाउँमा कृषकले विगत पाँच वर्षदेखि भूइँस्याउको व्यावसायिक खेती गर्दै आएका थिए ।

उत्पादन भए पनि बिक्री हुन नसक्दा कृषक समस्यामा परेका छन् । लेखफाँट, शालिजा, बनौं, क्याङ, देउराली, भुकताङ्ले लगायतका ठाउँमा कृषकले व्यावसायिक रुपमा यसको खेती गर्दैआएका छन् ।

भूइँस्याउ जेठमा लगाएर माघमा उत्पादन गर्न सकिन्छ । बजार नपाउँदा कुहिन थालेको लेखफाँटका कृषक कृष्णबहादुर रञ्जितले बताए । एउटा बोटमा करिव ९ किलोसम्म भूइँस्याउ उत्पादन हुन्छ । अहिले किसानले प्रतिकिलो ५० रूपैयाँमा भूइँस्याउ बिक्री गर्दै आएका छन् ।