चिनियाँ कम्युनिस्ट पार्टीका सदस्यहरुको संख्या ९ करोड नाघेको सो पार्टीको संगठन विभागले जनाएको छ ।
पार्टी स्थापनाको ९८ वर्ष पुगेको अवसरमा सार्वजनिक गरिएको विवरणमा सन् २०१८ को अन्त्यसम्ममा ४६ लाख प्रारम्भिक कमिटी सदस्य रहेको उल्लेख छ । सन् २०१७ को तुलनामा पार्टीका सदस्य १० लाख वृद्धि भएको छ । सन् २०१८ मा चिनियाँ कम्युनिस्ट पार्टीमा २० लाख नयाँ सदस्य थप गरिएको सो पार्टीले जनाएको छ, जुन अघिल्लो वर्षको भन्दा ३९ हजार बढी हो ।
पार्टीको सदस्यता प्राप्त गर्नेहरुमध्ये करिव ४५ प्रतिशत नयाँ सदस्यले उच्च अध्ययन गरेका छन् । ८० प्रतिशतभन्दा बढी सदस्यहरु ३५ वर्ष वा सोभन्दा कम उमेरका रहेका छन् । सन् १९२१ मा चिनियाँ कम्युनिस्ट पार्टीको स्थापना भएको हो ।
