ज्यान मुद्दाका आरोपी श्रेष्ठ भूकम्पपछि जिल्ला कारागारबाट भागेकोमा असार १० मा प्रहरीले पक्राउ गरेको हो । पक्राउ परेका उनलाई धुलिखेल स्थानान्तरण गरिसकेको जिल्ला कारागारले जानकारी दिएको छ ।

कारागारमा भूकम्पअघि १ सय ९६ पुरुष र २० महिला गरी २ सय १६ कैदीबन्दी रहेको कारागारले जनाएको छ । भूकम्पपश्चात् फरार भएका कतिपय कैदी आफैं सम्पर्कमा आएका थिए भने कतिपयलाई प्रहरीले पक्राउ गरेको थियो ।

भूकम्पपश्चात् कारागार समेत भत्किएकाले कैदी राख्ने ठाउँसम्म नहुँदा धेरै समस्या भएको र समातिएका कैदीलाई विभागले तोकेअनुसारको ठाउँमा पठाउने गरेको निमित्त प्रमुख अधिकारीले जानकारी दिए ।

भूकम्पले पूर्णरुपमा भत्किएको कारागार अझसम्म पनि निर्माण गर्ने तत्परता देखिएको छैन । कारागार निर्माणका लागि सार्वजनिक जग्गाको अभाव हुँदा निर्माण प्रक्रिया रोकिएको हो । भूकम्पको १५ महिना बितिसक्दा समेत १ सय ११ जना कैदीबन्दी अझै फरार छन् ।