बिहीबार मात्रै एमाले–माओवादी केन्द्र एकीकृत भएर गठन भएको नेपाल कम्युनिस्ट पार्टीले केन्द्रीय एक–दुई दिनमै कार्यालयको टुङ्गो लगाउने भएको छ ।
तत्कालीन नेकपा (एमाले) र नेकपा (माओवादी केन्द्र) का केन्द्रीय कार्यालयहरू शुक्रबार अवलोकन भइसकेका छन् । नेकपाका केन्द्रीय सदस्य कृष्णगोपाल श्रेष्ठले धुम्बाराहीमा केन्द्रीय कार्यालय र पेरिसडाँडामा जनसङ्गठनका कार्यालय गर्न सकिने बताए ।
४ सय ४१ सदस्यीय केन्द्रीय समितिका सदस्यमा नयाँलाई मनोनयन गर्न भने नीति र मापदण्ड बनाइने तथा त्यसको टुङ्गो एक–दुई हप्तामा हुने जनाइएको छ । ४५ सदस्यीय स्थायी कमिटी हुने नेकपामा पोलिटब्युरो भने रहने छैन । ९ सदस्यीय सचिवालय गठन भइसकेको छ ।
यसैबीच, शनिबार बिहान ११ बजे अन्तर्राष्ट्रिय सम्मेलन केन्द्रमा बसेको नेकपा संसदीय दलको बैठकले केपी शर्मा ओलीलार्इ संसदीय दलको नेता चयन गरेको छ ।
