सभामुख कृष्णबहादुर महराले २३ वर्षपछि आफ्नो जन्मघरमा तिहारको टीका लगाए ।
रोल्पा नगरपालिका– १, मेवाङमा रहेको जन्मघरमा सभामुख महराले जेठी फुपू विष्णु केसीको हातबाट तिहारको टीका लगाएका हुन् ।
तत्कालीन माओवादीले जनयुद्ध थाल्नुअघि २०५२ मा आफ्नै जन्मघरमा टीका लगाएका महराले शान्ति प्रक्रियापछि यसपालि मात्रै पहिलो पटक आफ्नै घरमा टीका लगाएका हुन् । सशस्त्र युद्ध शान्ति प्रक्रियामा रुपान्तरण भएयताको १२ वर्षसम्म सभामुख महरालाई पुर्ख्यौली घर पुगेर टीका लगाउने अवसर जुरेको थिएन ।
जन्मघरमा फुपूको हातबाट टीका लगाइसकेपछि सभामुख महराले रोल्पा नगरपालिका– १, धारापानीमा रहेको पुर्ख्यौली घर पुगेर साइँलो बुबाकी छोरी रामकुमारी महराको हातबाट समेत टीका लगाएको राससले जनाएको छ ।
(तस्बिरः सभामुखपुत्र राहुल महराको वालबाट)
