विश्व महामारीका रुपमा फैलिइरहेको कोरोनाभाइरस (कोभिड– १९) ले अमेरिकामा विकराल रुप धारण गरेको छ । सोमबार एकै दिन अमेरिकामा १९,९८० नयाँ संक्रमित फेला परेका छन् भने ९०० जनाको मृत्यु भएको छ ।
सोमबार राति अबेरसम्मको विवरणअनुसार अमेरिकामा ३,५६,६५३ जनामा कोभिड– १९ को संक्रमण पुष्टि भएको छ । यतिबेलासम्म अमेरिकामा १९,३०८ जना संक्रमितलाई निको भएको छ, ३,२६,८२९ जना सामान्य बिरामी छन् र ८,८७६ गम्भीर बिरामी छन् ।
त्यसैगरी, स्पेनमा कूल १,३५,०३२ संक्रमित भएका छन् भने १३,१६९ जनाको निधन भएको छ । स्पेनमा ४०,४३७ संक्रमित निको भएका छन् भने ८१,४२६ जना सामान्य बिरामी छन् र ६,९३१ जना गम्भीर बिरामी छन् ।
त्यस्तै, इटालीमा कूल १,३२,५४७ संक्रमित भएकामा १६,५२३ जनाको निधन भैसकेको छ । इटालीमा २२,८३७ संक्रमित निको भएका छन् भने ९३,१८७ सामान्य बिरामी छन् र ३,८९८ गम्भीर बिरामी छन् ।
सोमबार मध्यरातिसम्म वर्ल्डोमिटरले प्रकाशित गरेको कोरोनाबाट मुख्य प्रभावित राष्ट्रहरूको तथ्यांक निम्नानुसार छ–
