इटहरी उपमहानगरपालिका– २०, तरहरा क्षेत्रस्थित काबेली होटलमा शुक्रबार राति जुवा–तास खेलिरहेको अवस्थामा ७६ हजार रूपैयाँ नगद र ४ बुङ ताससहित ६ जना रंगेहात पक्राउ परेका छन् ।
प्रहरी चौकी तरहराकाे प्रहरी टोलीले जुवा–तास खेलिरहेको अवस्थामा इटहरी– ५ का ३५ वर्षीय वीरेन सुब्बा, इटहरी– १ का ४१ वर्षीय घनश्याम न्यौपाने, इटहरी– ४ का ३५ वर्षीय मिनष राईलाई सुराकका आधारमा पक्राउ गरेको हो ।
त्यसैगरी, इटहरी– ४ का ४६ वर्षीय बाबुराम लिम्बू, मोरङको सुन्दरहरैचा– ३ का ३५ वर्षीय बीपी श्रेष्ठ र सोही नगरपालिका– ६ का २९ वर्षीय तीर्थ पराजुलीलाई सोही स्थानबाट जुवा–तास खेलिरहेको अवस्थामा पक्राउ गरी कारबाहीका लागि इलाका प्रहरी कार्यालय इटहरीको प्रहरी हिरासतमा राखिएको प्रहरीले बताएको छ ।
