रामपुर नगरपालिका– ८, कुमराङकी थमकुमारी थापा साढे चार महिनादेखि बेपत्ता भएकी छन् ।
भदौ २७ गते बिहान ११.३० बजे घरबाटै बेपत्ता भएकी २८ वर्षीया थापा आफन्त, साथीभाइ सबैतिर खोजी गरे पनि अझै फेला पर्न नसकेको वडा अध्यक्ष बोमबहादुर नामजालीले बताए ।
आफन्त साथीभाइमध्ये धेरैले घरनजिकै कालीगण्डकी रहेकाले नदीमा पसेको शंका गरे पनि उनी अहिलेसम्म फेला पर्न नसकेको वडाध्यक्षले बताए । एक नाबालक छोरा, श्रीमान् र सासू–ससुरासँग बस्दै आएकी ठाडा अहिलेसम्म फेला पर्न नसक्दा परिवारजन चिन्तित बनेका छन् ।
