पूर्व–पश्चिम राजमार्ग अन्तर्गत सप्तरीको खडक नगरपालिका– ४, अमहास्थित सडकमा शुक्रबार दिउँसो ३ वटा मालबाहक ट्रक एक–आपसमा ठोक्किँदा एक जना (चालक) को मृत्यु भएको छ भने चार जना घाइते भएका छन् ।
पूर्वबाट पश्चिम जाँदै गरेको ना ४ ख ५५६६ ट्रक र विपरीत दिशाबाट आउँदै गरेको ना २ ख ८७३० तथा ना ७ ख १८३५ नम्बरको ट्रक एकापसमा ठोक्किँदा ट्रक चालक उदयपुर त्रियुगा नगरपालिका– ४ का कविराम माझीको घटनास्थलमै मृत्यु भएको इलाका प्रहरी कार्यालय कड्रबोनाले जनाएको छ ।
सोही दुर्घटनामा परी त्रियुगा नगरपालिका– ४ का शैला दनुवार, उनकी आमा सञ्जना दनुवार, सोही ठाउँकी रञ्जु माझी र नीरबहादुर माझी घाइते भएका छन् । घाइतेको लहानस्थित सप्तऋषि नर्सिङ होममा उपचार भइरहेको प्रहरीले जनाएको छ ।
