विघटित शेरबहादुर देउवा सरकारका उपप्रधान तथा ऊर्जामन्त्री कमल थापाले प्रधानमन्त्री केपी शर्मा ओलीलार्इ दोहोर्याएर सपथ लिन ‘सल्लाह’ दिएका छन् ।
बिहीबार ओलीले सपथग्रहण गर्दा ‘देश’ भन्ने शब्द नै उच्चारण गरेका थिएनन् । त्यो नियतवश नभए पनि गम्भीर त्रुटि भएको भन्दै पूर्वमन्त्री थापाले राष्ट्रपति समक्ष पुनः सपथ दिई अभिलेख सच्याउन ‘सल्लाह’ दिएका हुन् ।
शुक्रबार बिहान ट्विट गर्दै थापाले भनेका छन्– ‘अमेरिकी राष्ट्रपति ओबामाको शपथमा सामान्य त्रुटि हुँदा भोलिपल्ट आफ्नै कार्यकक्षमा दोहोर्याएर शपथ लिएका थिए । प्रम केपी ओलीले शपथमा ‘देश’ शब्द उच्चारण गर्न छुटाउनुभयो । निश्चय नै यो नियतवश होइन, तसर्थ राष्ट्रपति समक्ष पुनः शपथ लिई अभिलेख सच्याउन सल्लाह दिन्छु, शपथमा देश छुट्नु राम्रो होइन ।’
थापाले ऊर्जा मन्त्रालयबाट बुधबार बिदा लिएका थिए । मन्त्रालयबाट बिदा हुँदा त्यहाँका कमर्चारीहरुले उनलाई खादा पहिर्याउँदै मायाको चिनो समेत प्रदान गरे । कार्यकालभरि राम्ररी सहयोग गरेको भन्दै थापाले सबैप्रति आभार प्रकट गरे ।
अमेरिकी राष्ट्रपति ओवामाले शपथमा सामान्य त्रुटि हुंदा भोलिपल्ट आफ्नै कार्यकक्षमा दोहराएर शपथ लिएका थिए।प्रम के पि ओलीले शपथमा “देश”शब्द उच्चारण गर्न छुटाउनु भयो।निश्चय नै यो नियतवश होईन।त्यसर्थ राष्ट्रपति समक्ष पुन: शपथ लिई अभिलेख सच्याउन सल्लाह दिन्छु।शपथमा देश छुटनु राम्रो होईन
— Kamal Thapa (@KTnepal) February 16, 2018
