धर्मदेवी नगरपालिका– १, तेल्लोकमा २७ वर्षीय योगेन्द्र पौडेलको शनिबार गोली लागेर मृत्यु भएको छ । प्रहरीका अनुसार मृग भनेर हानेको गोली लागेर घटनास्थलमै पौडेलको मृत्यु भएको हो ।
३ जनाको समूहमा सिकार खेल्न गएका स्थानीयवासी चकेन्द्र अधिकारीले घरनजिकै जंगलमा आएको मृगलाई गोली हान्दा पौडेललाई लागेको थियो । गोली हान्ने अधिकारीलाई प्रहरीले नियन्त्रणमा लिएको प्रहरी निरीक्षक वेदप्रसाद गौतमले जनाएका छन् ।
