अरुण तेस्रो जलविद्युत् आयोजनाको सुरुङ खन्ने क्रममा खसेको पहिरोमा शुक्रबार रातिदेखि पुरिएका चार मजदुरलाई आइतबार जीवितै उद्धार गरिएको छ ।
नेपाली सेना, सशस्त्र प्रहरी र नेपाल प्रहरीको टोलीले पुरिएको ३८ घन्टापछि उनीहरुलाई सुरुङबाट जीवितै उद्धार गरेको हो । शुक्रबार राति पौने ९ बजे संखुवासभास्थित मकालु गाउँपालिकाको फ्याक्सिन्दामा ढिस्कोे झरेको थियो । ढिस्को खस्दा कालीकोट सिउना गाउँपालिका– ४ का प्रदीप शाही, जुम्ला चन्द्रनाथ नगरपालिका– १ का प्रेम परियार तथा भारत झारखण्डका बुधन मुण्डा र भारत बिहारका नन्दकिशोर पुरिएकामा थिए ।
निरन्तर झरी परिरहेकाले कठनिाईका बाबजुद स्काभेटर र डोजरको सहायतामा उनीहरुको सकुशल उद्धार गरिएको जिल्ला प्रहरी कार्यालयले जनाएको छ ।
