जल तथा मौसम विज्ञान विभागले बूढानीलकण्ठ आसपासमा ठूलो वर्षा भइरहेको र विष्णुमती नदीमा समेत बहाव बढ्ने सम्भावना भएको भन्दै खोला आसपासका बासिन्दालाई सतर्क रहन आग्रह गरेको छ ।

विभागका अनुसार काठमाडौंको धोवीखोला, बागमती, शालीनदी, मनोहरालगायतका नदी क्षेत्रमा आकस्मिक बाढी आउने सम्भावना रहेको छ । काठमाडौंको उत्तरपूर्वी क्षेत्रमा ठूलो वर्षा सुरु भएको भन्दै शिवपुरी, सुन्दरीजल, साँखुलगायतको क्षेत्रमा समेत वर्षा सुरु भएको विभागले जनाएको छ । रासस