नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीसम्बद्ध विद्यार्थी संगठन अनेरास्ववियु (क्रान्तिकारी) की केन्द्रीय सदस्य उषाकिरण आजाद र काठमाडौं जिल्ला सचिव तारा सञ्जेल (रावल) लाई मंगलबार बिहानै प्रहरीले राजधानीबाट पक्राउ गरेको छ ।
प्रहरीले सुरक्षा जाँचका क्रममा आजाद र सन्जेल (रावल) लाई पक्राउ गरेको हो । राजधानीको जमलस्थित आकाशे पुलमुनि कार्टुनमा प्याक गरिएको प्रेसर कुकुरसहित आजाद र रावललाई पक्राउ गरिएको दावी प्रहरीले गरेको छ । से ५ प ६७०१ नम्बरको स्कुटीमा सवार दुवै जनालाई चेकजाँच गर्दा प्रेसर कुकुर भेटिएकाले पक्राउ गरेको प्रहरीले दावी गरेको छ ।
विप्लव नेतृत्वको पार्टीले मंगलबार आह्वान गरेको नेपाल बन्दलाई निष्प्रभावी तुल्याउन देशैभर सुरक्षा व्यवस्था कडा पारिएको प्रहरीले जनाएको छ ।
