अर्घाखाँचीको सितगङ्गा नगरपालिका– १०, सिद्धरा, काठेखोलाका मानबहादुर नेपाली शनिबार भालुको आक्रमणबाट गम्भीर घाइते भएका छन् ।
कोदो बारीमा कोदो खाँदै गरेको अवस्थामा गोरु ठानेर लखेट्न जाँदा नेपालीलाई भालुले आक्रमण गरेको थियो । उनको तिघ्रा र गुप्ताङ्गमा बढी चोट लागेको छ भने घाँटी र पिठ्युँमा समेत चोट लागेको छ ।
घाइते नेपालीलार्इ वडाध्यक्ष हिम्मत पोख्रेलको अगुवाइमा उपचारका लागि स्थानीयले बुटवल पठाएको खबर आइतबारको पत्रपत्रिकामा प्रकाशित छ ।
