मध्यपुरथिमि नगरपालिका– ७, धुञ्चेपाखास्थित शुकदेव बडालको घरमा आइतबार बिहान आगलागी हुँदा तीन जना घाइते भएका छन् ।
घाइते हुनेमा शुकदेवकी ५० वर्षीया श्रीमती हरिमाया, उनका ४५ वर्षीय भाइ पदमनाथ र ३१ वर्षीया छोरी रुपा रहेका छन् ।
काठमाडौंको सिनामङ्गलस्थित काठमाडौं मेडिकल कलेजमा घाइतेहरूको उपचार भइरहेको महानगरीय प्रहरी वृत्त थिमिका प्रहरी नायब उपरीक्षक मिलन केसीले जानकारी दिएका छन् ।
बिहान ग्यास बाल्ने क्रममा आगलागी भएको राससले जनाएको छ । (तस्बिर : फाइलबाट)
