शुक्रबार अपराह्न साढे ४ बजेतिर एउटा समूहको सांघातिक आक्रमणबाट नेपाल प्रेस युनियन रुकुम (पश्चिम) का सचिव तथा नागरिक दैनिकका संवाददाता लोकेन्द्र खनाल घाइते भएका छन् ।
हाल नेकपामा क्रियाशील पूर्वमाओवादी नेता–कार्यकर्ताहरुको समूहले खनाललाई छुरी प्रहार गरेर गम्भीर घाइते बनाएको आरोप नेपाल प्रेस युनियनले विज्ञप्तिमार्फत लगाएको छ । खनालसँगै भलिबलका राष्ट्रिय खेलाडी दिपक कुसारी, मदन कुसारी रिजाल सहित थप १२ जना व्यक्तिहरु समेत सांघातिक आक्रमणमा परेको जनाउँदै युनियनले युनियनले दोषीमाथि कडाभन्दा कडा कारबाहीको माग गरेको छ ।
रुकुमको बाफिकोट– ६, मग्माका स्थानीयवासी सोनु परियारको शुद्धि कार्यक्रममा जाँदै गरेका उनीहरु आक्रमणमा परेको जनाइएको छ । आक्रमणमा घाइते भएकाहरुको खलङ्गामा उपचार भइरहेको जनाइएको छ ।
