सप्तरीको विष्णपुर गाउँपालिकास्थित निर्माणाधीन कुनौली–राजविराज सडकखण्डमा मोटरसाइकल दुर्घटनामा परी घाइते एक सशस्त्र प्रहरीको सोमबार मृत्यु भएको छ ।
दुर्घटनामा गम्भीर घाइते राजविराज नगरपालिका– १६, बोरिया निवासी देवचन्द्र यादवका ३० वर्षीय छोरा सरोज यादवको उपचारका क्रममा मृत्यु भएको सशस्त्र प्रहरी उपरीक्षक खेम थापाले जानकारी दिएका छन् ।
राजविराजमा उपचार हुन नसकेपछि उनलाई आइतबार राति धरानस्थित बीपी कोइराला स्वास्थ्य विज्ञान प्रतिष्ठानमा भर्ना गरिएको थियो । सशस्त्र प्रहरी बल बेस क्याम्प पातोमा कार्यरत यादव सवार को ४ प १७७ नम्बरको मोटरसाइकल आइतबार राति साढे ७ बजे निर्माणाधीन कुनौली–राजविराज सडकखण्डमा निर्माण भइरहेको कल्भर्ट (पुल) मा ठोक्किएको थियो ।
अधरो पुलको फलामे छड उनको छातीमा रोपिएको खबर राससले प्रेषित गरेको छ ।
