सत्ताधारी नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ की पत्नी सीता दाहाल उपचारका लागि धापाखेलस्थित सुमेरु अस्पतालमा भर्ना भएकी छन् ।
आइतबार बिहान अस्पताल भर्ना भएकी सीताको उपचारमा डा. युवराज शर्मा नेतृत्वको टोली खटिएको अस्पतालले जनाएको छ । उनलाई रुघाखोकी र ज्वरोको समस्या देखिएको छ ।
प्रचण्डपत्नी सीताको स्वास्थ्यमा सुधार आएको अस्पताल निर्देशक दिलिप डङ्गोलले जानकारी दिए । उनले भने– ‘पूरै ठीक हुन केही दिन लाग्ने हुँदा यहीं राखेर उहाँको उपचार हुनेछ ।’
