चरम विवादित सर्वोच्च अदालतका ‘वरिष्ठतम् न्यायाधीश’ दीपकराज जोशीले आफ्नो पदबाट राजीनामा दिएका छन् । वरिष्ठतम् न्यायाधीश जोशीले मंगलबार प्रधान न्यायाधीश चोलेन्द्रशम्शेर जबरामार्फत राष्ट्रपति विद्यादेवी भण्डारीसमक्ष राजीनामा दिएका हुन् ।
संसदीय सुनुवाइ समितिले प्रधान न्यायाधीशका लागि जोशीको नाम अनुमोदन नगरेपछि न्यायसम्पादन गर्ने वा नगर्ने विवादका बीच उनले सर्वोच्च अदालतमा काम गरिरहेका थिए ।
प्रधान न्यायाधीश पदमा जबरा नियुक्त भएसँगै उनलाई न्यायसम्पादनको जिम्मेवारीबाट मुक्त गरिएको थियो । त्यसपछि बिदामा बसेका जोशीको कार्यकाल आगामी जेठसम्म मात्र थियो । रासस
