कैलालीको चिसापानीमा प्रहरीले २ किलो ३ सय ग्राम सुन र चाँदीका पूजा सामग्रीसहित २ जनालाई पक्राउ गरेको छ ।
पूर्वबाट धनगढीतर्फ आउँदै गरेको बा १९ च ७४१३ नम्बरको जिप बुधबार राति १०ः४५ बजे चिसापानीमा पुगेको समयमा चेकजाँच गर्दा उक्त परिणामको सुन र चाँदीका सामग्री बरामद भएको जानकारी चिसापानी प्रहरी कार्यालयका प्रहरी निरीक्षक दीपेन्द्र केसीले दिएका छन् ।
जिप चालक कैलालीका रमेश सैंजु र जिपमा सवार शिखा चौधरीलाई नियन्त्रणमा लिइएको छ । चालक सैंजुलाई प्रमाण देखाउन आग्रह गरिएकामा सबै बिल र रसिद देखाउन नसकेपछि उक्त सामग्री बरामद गरिएको केसीले बताएको खबर राससले प्रेषित गरेको छ ।
