‘स्वतन्त्र मधेस गठबन्धन’ को नामबाट नेपाललाई टुक्राएर तराई–मधेसलाई ‘अलग्गै राष्ट्र बनाउने’ हर्कत गर्दै आएका सीके राउतले उक्त समूहको नाम बदलेर ‘जनमत पार्टी’ नाम राखेका छन् ।
होली पर्वलगत्तै निर्वाचन आयोगमा सोही नाममा पार्टी दर्ता गराउने निर्णय समेत उक्त समूहको हालै बसेको राष्ट्रिय परिषदको बैठकले गरेको छ । शनिबारदेखि सोमबारसम्म चलेको सो समूहको बैठकले राउतको अध्यक्षतामा ३५ सदस्सीय केन्द्रीय समिति गठन गरेको बताइएको छ ।
राष्ट्रद्रोहको मुद्धासहित केही समयदेखि बन्दी रहेका राउत नाटकीय ढंगबाट सर्वोच्चको आदेशमा रिहा भएको भोलिपल्टै सरकारसँग ‘नेपालको संविधान मानेर पृथकतावादी गतिविधि त्याग्ने’ सम्झौता गरी मधेश झरेका थिए । उता पुगेर फेरि कथित स्वतन्त्र मधेशकै नारा लगाएको सो समूहले ‘सरकारलाई धोका दिएको’ चर्चा समेत चलिरहेका बेला भएको यसखाले निर्णयलाई चासोका साथ हेरिएको छ ।
