बझाङको सदरमुकाम चैनपुर नजिकै सोमबार जिप दुर्घटना हुँदा ५ पुरुष, ३ महिला र १ नाबालिका गरी ९ जनाको मृत्यु भएको छ । मष्टा गाँउपालिका जाँदै गरेको से १ ज १०७२ नम्बरको जिप दुर्घटना भएको हो ।
दुर्घटनाका मृतकहरूको अझै सनाखत हुन सकेको छैन । घाइते ५ जनाको अवस्था गम्भीर रहेको बताइएको छ । जिप सडकबाट करिव ५ सय मिटर तल खसेको प्रहरीले जनाएको छ । दुर्घटना के कारणले भयो भन्ने खुल्न सकेको छैन ।
प्रमुख जिल्ला अधिकारी सुरेश सुनार र प्रहरी नायब उपरीक्षक सूर्यबहादुर केसीसहितको टोली घटनास्थलमा पुगेको छ ।
