बीपी राजमार्गस्थित सुनकोशी गाउँपालिका– २, कमेरेफाँटमा कार दुर्घटना हुँदा दुई जनाको मृत्यु भएको छ । सो दुर्घटनामा दुई जना घाइते भएका छन् ।
खोटाङको हलेसीबाट काठमाडौंतर्फ आउँदै गरेको बा १३ च ३७९३ नम्बरको कार सोमबार राति अनियन्त्रित भई सडकबाट करिव दुई सय मिटर तल सुनकोशी नदीको किनारमा खस्दा कारमा सवार चार जनामध्ये दुई जनाको ज्यान गएको प्रहरीले जनाएको छ । मृत्यु हुनेमा काठमाडौं महानगरपालिका– ३१, नयाँबानेश्वरकी ४५ वर्षिया हेमा लामिछाने र ६० वर्षीय अच्युत लामिछाने रहेका छन् ।
कारका चालक काठमाडौं महानगरपालिका– ३१, नयाँबानेश्वरका ५८ वर्षिय दिपक लामिछाने र २६ वर्षिया आस्था लामिछाने घाइते भएका छन् । घाइतेहरुको अवस्था सामान्य रहेको बताइएको छ ।
