चोरी मुद्दामा थुनामा रहेका दुई थुनुवा महानगरीय प्रहरी वृत्त सिंहदरबारको हिरासतबाट ‘भागेका’ छन् । ‘ह्याक–स’ को ब्लेडले झ्यालका डन्डी काटेर शनिबार बिहान चार थुनुवा हिरासतभित्रबाट भागेको जानकारी महानगरीय प्रहरी परिसरका प्रवक्ता डीएसपी होविन्द्र बोगटीले दिएका हुन् ।
भागेका चार थुनुवामध्ये दुई जनालाई भने प्रहरीले पक्राउ गरेको छ । अझै बेपत्ता रहेका ती दुईको खोजी भइरहेको प्रवक्ता बोगटीले बताए । भागेका ती थुनुवाहरुको नाम गोप्य राखिएको छ । मोटरसाइकल चोरीमा संलग्न भएको आरोपमा उनीहरु पक्राउ परेका थिए ।
